కాటమ రాయుడా..!

చిత్రం              : అత్తారింటికి దారేది (2013)
సంగీతం          : దేవిశ్రీ ప్రసాద్
గానం              : పవన్ కళ్యాణ్
నటీనటులు     : పవన్ కళ్యాణ్, సమంత
దర్శకుడు        : త్రివిక్రమ్ శ్రీనివాస్

Englishlo Ikkada Choodandi

Youtubeలో వీడియో కోసం క్లిక్ చేయండి

కాటమ రాయుడా..!

హేయ్…

కాటమ రాయుడా… కదిరీ నరసింహుడా…
కాటమ రాయుడా… కదిరీ నరసింహుడా…
కాటమ రాయుడా… కదిరీ నరసింహుడా…
మేటైన ఏటకాడ నిన్నే నమ్మీతిరా…
మేటైన ఏటకాడ నిన్నే నమ్మీతిరా…

బేట్రాయి సామి దేవుడా… నన్నేలినోడ
బేట్రాయి సామి దేవుడా…
సేపకడుపు సీరి బుట్టితి 
రాకాసి దాన్ని కోపాన తీసి కొట్టితీ…
హెయ్… హెయ్… హెయ్…
బేట్రాయి సామి దేవుడా… నన్నేలినోడ
బేట్రాయి సామి దేవుడా…
కోటిమన్ను నీళ్ళలోన యెలసి యేగమై తిరిగి...
కోటిమన్ను నీళ్ళలోన...
హొయ్… హొయ్… హొయ్…

బాపనోళ్ళ చదువులెల్ల బ్రహ్మదెవరకిచ్చినోడ…
బాపనోళ్ళ చదువులెల్ల బ్రహ్మదెవరకిచ్చినోడ…
బేట్రాయి సామి దేవుడా… నన్నేలినోడ
బేట్రాయి సామి దేవుడా…
సేపకడుపు సీరి బుట్టితి 
రాకాసి దాన్ని కోపాన తీసి కొట్టితీ…
బేట్రాయి సామి దేవుడా… నన్నేలినోడ
బేట్రాయి సామి దేవుడా…
హో... య్య...

(బేట్రాయి సామి దేవుడా… నన్నేలి నోడ బేట్రాయి సామి దేవుడా ’’ అంటూ పవన్ కళ్యాణ్ ఈ మధ్య పాడిన పాట సోషల్ నెట్‌వర్క్‌లో హల్‌చల్ చేస్తోంది. లక్షల్లో వీక్షకులు యూట్యూబ్‌ని చూసారు. ఎక్కడ చూసినా హమ్ చేస్తున్నారు.

కదిరి పట్టణం అనంతపురం జిల్లాలోనిది. ఇక్కడ కదిరి నరసింహ స్వామి దేవాలయంలో ప్రముఖంగా వినిపించే ఈ పాటను రీమిక్స్ చేసి "అత్తారింటికి దారేది" చిత్రంలో పెట్టారు.

"బేట్రాయి సామి దేవుడా, నన్నేలినోడ..." ఇందులో బేట్రాయి - బేట రాయుడు అంటే వేటకు రాజు - నరసింహ స్వామి. తెలుగులో వ కన్నడంలో బ, తెలుగు ప, కన్నడ హ గా పలకటం మనకి తెలిసిందే. వేట రాయుడు కాస్తా కన్నడ పలుకుబడిలో బేటరాయుడు బేట్రాయుడుగా మారి బేట్రాయి స్వామిగా కొలువులందుకున్నాడు. దీన్నే పాటలో బేట్రాయి సామి దేవుడా, నన్ను ఏలినవాడా అని స్తుతిస్తున్నారు.

ఈ పాట జానపద గీతంగానే కాకుండా.. భజన గీతంగా కూడా రాయలసీమలో ప్రసిద్ధి పొందింది)