మా తెలుగు తల్లికి మల్లె పూదండ..!

ఆంధ్ర రాష్ట్ర గీతము
రచన: శ్రీ శంకరంబాడి సుందరాచారి

Englishlo Ikkada Choodandi :)

మా తెలుగు తల్లికి మల్లె పూదండ..!

మా తెలుగు తల్లికి మల్లె పూదండ
మా కన్నతల్లికి మంగళారతులు
కడుపులో బంగారు కను చూపులో కరుణ
చిరునవ్వులో సిరులు దొరలించు మా తల్లి

           గల గలా గోదారి కదలి పోతుంటేను
           బిర బిరా కృష్ణమ్మ పరుగులిడుతుంటేను
           బంగారు పంటలే పండుతాయి
           మురిపాల ముత్యాలు దొరలుతాయి

అమరావతీ నగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములో తియ్యందనాలు
నిత్యమై నిఖిలమై నిలచియుండే దాక

           రుద్రమ్మ భుజ శక్తి
           మల్లమ్మ పతిభక్తి
           తిమ్మరుసు ధీయుక్తి కృష్ణరాయల కీర్తి
           మా చెవుల రింగుమని మారుమ్రోగే దాక

నీ ఆటలే ఆడుతాం
నీ పాటలే పాడుతాం

జై తెలుగు తల్లీ! జై తెలుగు తల్లీ! జై తెలుగు తల్లీ!

(ప్రఖ్యాత గాయని, నటి టంగుటూరి సూర్యకుమారి ఆలాపన ద్వారా అప్పటిలో ఈ గేయం బాగా జనాదరణ పొందింది. సుప్రసిద్ధ దర్శకుడు బాపు, బుల్లెట్ చిత్రం కోసం ఈ పాటను బాలసుబ్రమణ్యంతో పాడించారు).