ఆరడుగుల బుల్లెట్టు..!

చిత్రం          : అత్తారింటికి దారేది (2013)
సంగీతం      : దేవిశ్రీ ప్రసాద్
రచన          : శ్రీమణి
గానం          : విజయప్రకాష్, ఎంఎల్ఆర్ కార్తికేయన్
నటీనటులు : పవన్ కళ్యాణ్, సమంత, ప్రణీత
దర్శకుడు    : త్రివిక్రమ్ శ్రీనివాస్

Englishlo Ikkada Choodandi :)

ఆరడుగుల బుల్లెట్టు..!

గగనపు వీధి వీడి వలస వెళ్ళిపోయిన నీలిమబ్బు కోసం
తరలింది తనకు తానే ఆకాశం పరదేశం
శిఖరపు అంచునుంచి నేల జారిపోయిన నీటి చుక్క కోసం
విడిచింది చూడు నదమే తనవాసం వనవాసం

భైరవుడో భార్గవుడో భాస్కరుడో మరి రక్కసుడో
ఉక్కు తీగె లాంటి ఒంటి నైజం
వీడు మెరుపులన్నీ ఒక్కటైన తేజం
రక్షకుడో తక్షకుడో పరీక్షలకే సుశిక్షితుడో
శత్రువంటు లేని వింత యుద్ధం
ఇది గుండె లోతు గాయమైన సిద్ధం
నడిచొచ్చే నర్తనశౌరీ  పరిగెత్తే పరాక్రమ సైరీ
హాలాహలం ధరించిన దగ్ధాహృదయుడో

వీడు ఆరడుగుల బుల్లెట్టు
వీడు ధైర్యం విసిరిన రాకెట్టు

గగనపు వీధి వీడి వలస వెళ్ళిపోయిన నీలిమబ్బు కోసం
తరలింది తనకు తానే ఆకాశం పరదేశం
శిఖరపు అంచునుంచి నేల జారిపోయిన నీటి చుక్క కోసం
విడిచింది చూడు నదమే తనవాసం వనవాసం

దివి నుంచి భువి పైకి భగభగమని కురిసేటీ
వినిపించని కిరణం చప్పుడు వీడు
వడివడిగా వడగళ్ళై దడదడమని జారేటీ
కనిపించని జడివానేగా వీడు
శంఖంలో దాగేటీ పొటెత్తిన సంద్రపు హోరితడు
శోకాన్నే దాచేసే ఆశోకుడు వీడురో

వీడు ఆరడుగుల బుల్లెట్టు
వీడు ధైర్యం విసిరిన రాకెట్టు

తన మొదలే వదులుకొని పైకెదిగిన కొమ్మలకీ
చిగురించిన చోటుని చూపిస్తాడూ
తన దిశనే మార్చుకుని ప్రభవించే సూర్యుడికీ       
తన తూరుపు పరిచయమే చేస్తాడు
రావణుడో రాఘవుడో మనసును దోచే మాధవుడో
సైనికుడో శ్రామికుడో అసాధ్యుడు వీడురో

వీడు ఆరడుగుల బుల్లెట్టు
వీడు ధైర్యం విసిరిన రాకెట్టు

గగనపు వీధి వీడి వలస వెళ్ళిపోయిన నీలిమబ్బు కోసం
తరలింది తనకు తానే ఆకాశం పరదేశం
శిఖరపు అంచునుంచి నేల జారిపోయిన నీటి చుక్క కోసం
విడిచింది చూడు నదమే తనవాసం వనవాసం