నీ జతగా నేనుండాలి..!

చిత్రం          : ఎవడు (2013)
సంగీతం      : దేవీశ్రీప్రసాద్
గానం          : శ్రేయాఘోషల్, కార్తీక్
రచన           : సిరివెన్నెల
నటీనటులు  : రాంచరణ్, శృతీ హాసన్
దర్శకుడు     : వంశీ పైడిపల్లి

Englishlo Ikkada Choodandi :)

నీ జతగా నేనుండాలి..!

నీ జతగా నేనుండాలి నీ ఎదలో నేనిండాలి.
నీ కథగా నేనే మారాలి
నీ నీడై నేనడవాలి నీ నిజమై నేనిలవాలి
నీ ఊపిరి నేనే కావాలీ

నాకే తెలియని నను చూపించి నీకై పుట్టాననిపించి
నీదాకా నను రప్పించావే
నీ సంతోషం నాకందించి నా పేరుకి అర్ధం మార్చీ
నేనంటే నువ్వనిపించావే                                                                        "నీ జతగా"

కల్లోకొస్తావనుకున్నా తెల్లార్లూ చూస్తూ కూర్చున్నా
రాలేదే?  జాడైనా లేదే?
రెప్పల బైటే నేనున్నా అవి మూస్తే వద్దామనుకున్నా
పడుకోవే? పైగా తిడతావే?
లొకంలో లేనట్టే మైకం లో నేనుంటే
వదిలేస్తావ నన్నిలా
నీ లోకం నాకంటే యింకేందో వుందంటే
నమ్మే మాటలా                                                                                    "నీ జతగా"

తెలిసీ తెలియక వాలిందీ
నీ నడుమొంపుల్లో నలిగిందీ నా చూపూ ఏం చేస్తాం చెప్పూ
తోచని తొందర పుడుతోంది
తెగ తుంటరిగా నను నెడుతోందీ నీ వైపూ నీదే ఆ తప్పూ
నువ్వంటే నువ్వంటూ ఏవేవో అనుకుంటూ
విడిగా ఉండలేముగా
దూరంగా పొమ్మంటూ దూరాన్నే తరిమేస్తూ
ఒకటవ్వాలిగా

నీ జతగా నేనుండాలి నీ ఎదలో నేనిండాలి.
నీ కథగా నేనే మారాలి
నీ నీడై నేనడవాలి నీ నిజమై నేనిలవాలి
నీ ఊపిరి నేనే కావాలీ